Вештачка трева на спортските терени за мал фудбал во Балиндол и Чегране

Терените за мал фудбал во Чегране и Балиндо се подновуваат со вештачка трева. Како што информираа од општина Гостивар за набавка на тревата биле издвоени 1 милион и 750 илјади денари од општинскиот буџет.

“Сега кога веќе завршија работите во Чегране, ќе следи уредувањето и на теренот во Балиндол. Вреди да се напомене дека покрај поставувањето на вештачка трева на теренот за мал фудбал во Чегране поставено е и соодветно осветлување, а извршени се и други дополнителни работи за теренот да ги исполнува сите потребни стандарди “, вели Јасин Демири, портпарол на општина Гостивар.

Локалните власти ги повикуваат граѓаните што повеќе да ги користат спортските терени, но и да покажат одговорно однесување и да се грижат за јавното добро.