Викенд временска прогноза

Времето денес претпладне сончево и топло со слаб до умерен ветер од променлив правец. Попладне ќе има развој на нестабилна облачност со пороен дожд, грмежи и засилен ветер, локално во форма на невреме. УВ зрачењето ќе биде со индекс 8, а максималната температура во гостиварскиот регион ќе достигне 27 степени.

Под влијание на влажна и нестабилна маса за време на викендот времето ќе биде нестабилно со пороен дожд, грмежи и засилен ветер, информира УХМР. Локално процесите ќе бидат во форма на невреме со интензивен пороен дожд (за кратко време поголема количина), силни електрични празнења, силен ветер (над 70 км/час) и појава на град. Во недела дневната температура ќе се намали за неколку степени.