Викенд временска прогноза

Времето денес (петок) ќе биде сончево со мала до умерена облачност. Ќе дува умерен ветер од северозападен правец, кој долж Повардарието повремено ќе засилува. Кон крајот на денот облачноста ќе се зголеми и во ноќните часови ќе има локални врнежи претежно од снег. Максималната температура во гостиварскиот регион ќе достигне 8 степени.

Утре (сабота) не‘ очекува променливо облачно време со локални врнежи претежно од снег. Ќе дува умерен до засилен ветер од северозападен правец, поизразен долж Повардарието. Ветерот ќе продолжи особено во ноќните часови, а ќе надминува и брзина од 80 км/час.

Во недела ќе владее студено и променливо облачно со сончеви периоди, со умерен до засилен ветер од северен правец, поизразен долж Повардарието. Понекаде и особено во планините ќе има услови за појава на слаб снег. Температурата ќе биде во опаѓање.