Викенд временска прогноза

Синоптичарите за денеска (петок) најавуваат променливо облачно време, со повремени локални врнежи од дожд, а на планините од снег што ќе ја зголеми снежната покривка. Претежно во западните и северните делови повремен снег ќе паѓа и на повисоките места. Ќе дува слаб до умерен, долж Повардарието северозападен, а во западните делови западен ветер, кој наместа повремено ќе засилува.

Максималната температура во гостиварскиот регион ќе достигне 8 степени.

Утре (сабота) наутро ќе биде со услови за слаба магла во котлините, а преку денот променливо облачно и релативно топло преку денот. Ќе дува умерен, во западните делови и вдолж Повардарието повремено засилен ветер од северозападен правец. Температурата ќе се движи во интервал од 2 до 11 степени.

Во недела ќе владее слично време со благ пораст на дневната температура.