Викенд временска прогноза

Денеска е петок 6 септември 2024 година, 250-иот ден во годината. До крајот на годината остануваат 116 дена. Сонцето во Гостивар изгреа во 6 часот и 7 минути, а ќе зајде во 19 часот и 1 минута. Денов трае 12 часа и 54 минути. Месечината, која е во фаза на млада Месечина ќе изгрее во 9 часот и 14 минути, а ќе зајде во 20 часот и 18 минути.

Според метеоролозите времето денеска ќе биде променливо облачно со слаб до умерен ветер од јужен правец. Попладне и во вечерните часови на повеќе места ќе биде нестабилно со пороен дожд и грмежи, наместа во форма на невреме со интензивен пороен дожд, грмежи, засилен ветер и град. Температурата во гостиварскиот регион ќе се движи од 16 до 30 степени.

Утре (сабота) нѐ очекува променливо облачно време. Попладне и во вечерните часови ќе биде нестабилно со пороен дожд и грмежи, наместа во форма на невреме со интензивен пороен дожд, грмежи, засилен ветер и град.

Синоптичарите за во недела прогнозираат сончево и топло време со мала до умерена облачност и со слаб ветер од променлив правец. Попладне ќе има изолирана појава на нестабилност со пороен дожд и ретки грмежи. Максималната дневна температура ќе достигне 32 степени.