Викенд временска прогноза

Времето денеска (петок) ќе биде променливо облачно со повремени врнежи од дожд, наместа пообилни, локално во форма на невреме, проследени со грмежи и засилен ветер. Врнежите ќе продолжат и преку ноќта кога и понатаму ќе биде ветровито. Температурата во гостиварскиот регион ќе биде во интервал од 13 до 22 степени Целзиусови.

Според најавите од Управата за хидрометеоролошки работи (УХМР), под влијание на циклонска активност и во деновите од викендот времето ќе биде променливо облачно со повремени врнежи од дожд. Особено во ноќта кон сабота и потоа преку денот врнежите ќе бидат пообилни над 30 литри на квадратен метар, локално во форма на невреме, проследени со грмежи и засилен ветер кој ќе дува повремено и со брзина од над 70 километри на час.

Во недела ќе имаме заладување и пад на температурата од неколку степени.