Викенд временска прогноза

Времето денес (петок) ќе биде променливо облачно, во југозападните делови со врнежи од дожд, а на планините и на некои повисоки места од снег. Ќе дува умерен, долж Повардарието засилен северен ветер. Температурата во гостиварскиот регион ќе се движи од -2 до 6 степени, а утрово провејува слаб снег.

Во сабота претпладне нѐ очекува променливо облачно време со сончеви периоди. Попладне облачноста ќе се намали. Ќе дува слаб, долж Повардарието умерен ветер од северозападен правец. Максималната дневна температура ќе достигне 8 степени.

Во недела наутро ќе биде студено со појава на магла по одделни котлини. Преку денот сончево и претежно тивко со мала до умерена локална облачност и пораст на температурата до 13 степени.