Викенд временска прогноза

Денеска е петок, 22 ноември 2024 година, 327-иот ден во годината. До крајот на годината остануваат 39 дена. Сонцето во Гостивар изгреа во 6 часот и 35 минути, а ќе зајде во 16 часот и 10 минути. Денов трае 9 часа и 35 минути.

Времето денеска ќе биде претежно облачно со врнежи од дожд, наместа во западните делови пообилни (над 40 l/m2). Ќе дува засилен јужен ветер, кој во текот на ноќта ќе го промени правецот во северен (над 70 km/h). Во текот на ноќта врнежите од дожд најпрвин на планините ќе преминат во снег, а потоа и на некои пониски места и ќе се формира снежна покривка. Температурата во гостиварскиот регион ќе биде во интервал од 0 до 11 степени.

УХМР информира дека во сабота во претпладневните часови времето ќе биде променливо облачно со повремен снег, претежно во западните делови. Ќе дува умерен, долж Повардарието засилен ветер од северен правец (над 70 km/h). Температурата ќе опадне за неколку степени.

Во недела нѐ очекува ведро и многу студено утро, додека преку денот времето ќе биде сончево со мала локална облачност. Ќе дува слаб ветер претежно од северозападен правец.