Викенд временска прогноза

Времето денеска (петок) ќе биде променливо облачно со сончеви периоди. Ќе дува слаб до умерен ветер од северен правец, а попладне и во текот на ноќта ќе има врнежи од дожд, локално проследени со грмежи. Врнежите ќе бидат пообилни, особено во јужните делови каде ќе наврнат од 20 до 30 литри на квадратен метар, а во останатите делови од 10 до 15  литри на квадратен метар. Максималната температура во гостиварскиот регион ќе достигне до 20 степени.

Според најавите од Управата за хидрометеоролошки работи (УХМР), и во деновите на викендот ќе биде променливо облачно и посвежо со повремен локален дожд. Утре (сабота) ќе дува умерен, повремено засилен северен ветер, а во недела попладне ќе има услови за изолирана појава на нестабилност со пороен дожд и грмежи. Температурата ќе биде во интервал од 7 до 18 степени.