Викенд временска прогноза

Викендов очекувајте нестабилно време и заладување.

Денес е петок, 199-от ден од годинава. Сонцето изгреа во 5 часот и 16 минути, а ќе зајде во 20 часот и 7 минути. Времето ќе биде сончево со мала до умерена облачност, а попладне со услови за дожд и ретки грмежи. Ќе дува слаб до умерен јужен ветер. Утринава во Гостивар беа измерени 16 степени, а максималната дневна ќе достигне до 29-от степен.

Утре (сабота) нѐ очекува променливо облачно и нестабилно време со услови за пороен дожд, грмежи и засилен ветер. Можни се поинтензивни процеси во форма на невреме со пообилен пороен дожд, електрични празнења и појава на град. Се очекува и нешто пониска температура, која ќе се движи од 14 до 26 степени.

Во недела се очекува сончево време со умерена облачност, но повторно со услови за нестабилност проследена со пороен дожд и грмежи во попладневните часови. Температурата ќе се движи од 13 до 27 степени.