Викенд временска прогноза

Викендот што е пред нас носи промена на временските прилики. Се очекуваат обилни врнежи и засилен ветер.

Денес, петок, времето ќе биде променливо облачно со сончеви периоди. Во попладневните часови ќе има услови за врнежи и грмотевици. Температурата ќе се движи од 2 до 16 степени.

Утре (сабота) ќе владее променливо облачно време со повремени поројни и пообилни врнежи од дожд, проследени со појава на грмежи и засилен ветер. Во недела ќе преовладува облачно време проследено со умерен до силен северен ветер (над 60 км/час), а поради продор на постудена воздушна маса, на планините и на некои повисоки места претежно во северните делови врнежите ќе бидат од снег. Дневните температури ќе опаднат и ќе се движат во интервал од 1 до 7 степени.