Викенд временска прогноза

Времето во текот на викендов што следи ќе биде променливо облачно со услови за врнежи од дожд.

За денес, петок, метеоролозите прогнозираат сончево време со мала до умерена облачност, и умерен до засилен ветер од западен правец, поизразен во западните делови. Температурата ќе се движи од 8 до 19 степени.

Во сабота не‘ очекува облачно и врнежливо време. Дождот во одредени периоди во денот ќе иде пообилен. Минималната температура ќе биде 7 степени, додека максималната 15.

Во недела ќе биде умерено облачно со сончеви периоди, ќе дува слаб до умерен северозападен ветер. Утринската температура ќе се спушти до 9 степени, а дневната ќе достигне 21.