Викенд временска прогноза

Времето денес (петок) ќе биде облачно и студено со повремени врнежи од дожд. УХМР известува дека поради затоплување на висина, на планините на запад врнежите повторно ќе преминуваат во дожд, но ќе бидат со послаб интензитет. Ќе дува слаб до умерен, а вдолж Повардарието повремено засилен ветер од северен правец. Температурата во гостиварскиот регион ќе се движи од 0 до 5 степени.

Утре (сабота) следува намалување на облачноста со мало разведрување и пораст на дневната температура до 11 степени. Во недела ќе владее променливо облачно време со сончеви периоди и максимална дневна температура до 12 степени.