Викенд временска прогноза

Пред нас е студен и снежен јануарски викенд. Денес (петок) има обилни врнежи од снег и се формира снежна покривка. Заради ниските температури, ќе има појава на голомразица. Снегот е проследен со умерен до засилен северен ветер. Температурата во гостиварскиот регион ќе се движи во интервал од -7 до 2 степени.

Утре (сабота) ќе се задржи променливо облачно, ветровито и многу студено време со повремен послаб снег. Минималната температура ќе се спушти до -10 степени, а максималната дневна ќе биде -2.

Во недела, според метеоролошките прогнози ќе владее сончево време со мала до умерена облачност, многу студено и ветровито. Ќе дува умерен ветер од северен правец. Кон крајот на денот облачноста ќе се зголеми и ќе има слаб локален снег. Температурата ќе се движи од -6 до 0 степени.