Викенд временска прогноза-Ќе има ли конечно разладување?

Денеска е петок, 16 август 2024 година, 229-иот ден во годината. До крајот на годината остануваат 137 дена. Сонцето во Гостивар изгреа во 5 часот и 46 минути, а ќе зајде во 19 часот и 34 минути. Денов трае 13 часа и 48 минути.

Според метеоролозите времето денес ќе биде сончево и топло со мала до умерена локална облачност. Попладне наместа ќе биде нестабилно со пороен дожд, грмежи и засилен ветер. Максималната температура во Гостивар ќе достигне 37 степени. UV=8

Во деновите од викендот ќе владее сончево и топло, но нестабилно време. Во попладневните и вечерните часови ќе има локална појава на нестабилност со пороен дожд, грмежи и услови за краткотрајно невреме со силен ветер и град. Дневната температура ќе опадне за неколку степени.