Викендов во Гостивар казна заработиле 27 возачи заради пребрзо возење

Изминатиот викенд, (24 и 25 август), на поширокото полошко подрачје полицијата спроведе две сообраќајни акциски контроли за брзина и алкохол.

При тоа, откриени биле вкупно 59 прекршоци, од кои 32 во Тетово и 27 во Гостивар. На гостиварското подрачје поголемиот дел од возачите (20) биле фатени за пребрзо возење во населено место, додека останатите седум ја пречекориле дозволената брзина на отворен пат, надвор од населено место.

СВР Тетово соопшти дека откриените  прекршоци заокружени се со соодветни поднесоци, прекршочни, мандатни платни налози и писмени опомени.

Во Тетово биле окриени и 12 лица кои ги управувале своите возила под дејство на алкохол. Сите биле исклучени од сообраќај и времено им се одземени возачките дозволи, а ќе им се изготват и соодветни поднесоци.