Викендов започнува вториот дел од кошаркарските првенства

Викендов, после еден месец пауза започнува вториот дел од националните кошаркарски првенства. Стартуваат натпреварите во Првата кошаркарска лига мажи, од следниот викенд во Втората кошаркарска лига, за 15 дена и Првата кошаркарска лига жени. Кошаркарски лиги во кои Гостивар има свои претставници.

Кошаркарите на КК Гостивар есенскиот дел го завршија на четвртата позиција. Останува да се одиграат реваншите од првиот круг во кој „бело-сините“ имаа скор од 6 победи и 4 порази. Во пролетниот дел КК Гостивар им гостува на: Кожув, Фени индустри, Шкупи, Пелистер и Охрид. Ги пречекува: Куманово, МЗТ, Блокотехна, Вардар и Работнички. КК Гостивар во недела на отварањето на вториот дел, му гостува на Кожув во Гевгелија.

ЖКК Гостивар имаше солиден кам-бек во Првата македонска кошаркарска лига жени. Есенскиот дел го заврши на осмата позиција со скор од 3 победи и 7 порази. Во пролетниот дел девојките на ЖКК Гостивар ќе имаат 11 натпревари можност да се изборат за што повисок пласман на тебелата. Во вториот дел гостиварки во спортската сала Младост, ќе ги пречекаат екипите на Бадел 1862, Вардар, Работнички и Трокал. Привиот натпревар ЖКК Гостивар го игра на 02.02.2019 против екипата на Баскет Кам.

Продолжува првенството и во Втората кошаркарка лига. КК Гостивар есенскиот дел го заврши на 11 позиција во Втората лига – запад, со скор од 2 победи и 9 порази. Во вториот дел младинската екипа на КК Гостивар, ќе има убава можност за докажување. Следниот викенд КК Гостивар му гостува на Спорт тим.