Високи температури и повремена нестабилност на времето во деновите што следат

Времето денеска ќе биде сончево и топло со мала до умерена облачност. Околу пладне и попладне особено во западните делови ќе биде нестабилно со пороен дожд, грмежи и засилен ветер. Локално процесите ќе бидат во форма на невреме со интензивен пороен дожд, силни електрични празнења, засилен ветер и услови за појава на град.

Минималната температура во гостиварскиот регион ќе биде 10, а максималната ќе достигне 23 степени. УВ индексот ќе изнесува 7.

Во следните денови ќе се задржи многу топло време со максимални температури над просекот за овој период од годината, кои ќе надминат 30 степени. Во попладневните часови ќе има локална појава на нестабилност со пороен дожд, грмежи и засилен ветер.