Вкупно 455 лица имаат решенија за изолација во општините Гостивар, Врапчиште и М.Ростуше

Во текот на изминатото деноноќие, според статистиката на Секторот за внатрешни работи Тетово на 96 лицa во тетовски регион и на 43 во гостиварскиот изготвени им се нови решенија за изолација од страна на Државен санитарен инспекторат. Вкупната бројка на граѓани кои имаат решенија за задолжителна изолација, поради позитивен корона тест или контакт со заболено лице во општините Гостивар, Врапчиште и Маврово Ростуше изнесува 455. Во општините од тетовското подрачје бројката е 689.

Во последните контроли на лица во изолација, полицијата не регистрирала прекршувања на решенијата.

За неносење заштитни маски, изминатото деноноќие казнети биле 29 граѓани во Гостивар и 22 во Тетово. На подрачјето на Гостивар немало прекршување на полицискиот час, додека во Тетово 30 минути после полноќ на улица „Ѓорче Петров“ биле затекнати две лица, на возраст од 18 и 28 години, против кои ќе бидат поднесени пријави за непочитување на здравствени прописи за време на епидемија.