Влада: Обезбедени по 11 илјади денари К15 за вработените во администрација

Владата денес излезе со соопштение дека со ребалансот на буџетот се обезбедени пари за исплата на К15 на вработените во јавната администрација во износ од по 11.000 денари.

„Иако претходната Влада не предвидела средства за исплата на К15 во основниот буџет, со новиот ребаланс Владата обезбедува 1 милијарда денари за исплата на К15 за вработените во администрацијата. Со оваа одлука над 84 илјади вработени во државната администрација ќе добијат по 11 илјади денари К15. Исплатата ќе биде најдоцна до декември оваа година.  Со тоа ќе се реализира уште една значајна поддршка за вработените. На овој начин Владата покажува конкретна грижа за секој еден вработен во исполнување на нивните права.“, се наведува во владиното известие.

Со овој пакет К15 ќе бидат опфатени и вработените наставници во училиштата.