Владата прогласи кризна состојба во дел од земјава

На денешната седница Владата, согласно заклучокот на Управувачкиот комитет за координација и управување во системот за управување со кризи, донесе Одлука за постоење на кризна состојба на дел од територијата на Македонија заради зголемен обем на влез и транзитирање на мигранти и заради постоењето на пандемијата и опасноста од ширењето на КОВИД-19.

„Со оваа одлука се утврдува постоење на кризна состојба на дел од територијата на Република Северна Македонија и тоа на подрачјата на јужната и северната граница на Република Северна Македонија, и се активира Главниот штаб при Центарот за управување со кризи кој ќе биде во постојано заседавање и кој има задолжение да изготви акциски план за превенција и справување со влезот и транзитирањето на мигрантите низ територијата на Република Северна Македонија, како и целосен преглед за расположливи човечки и материјално – технички ресурси и план за координирано дејствување.“, соопштина од владината прес служба.

Кризната состојбаќе трае 30 дена од денот на нејзиното влегување во сила, а сите органи на државната управа се задолжени да преземат мерки и активности согласно прописите за управување со кризи.