Владиката г.Јосиф чиноначалствуваше со света литургија во „Пресвета Богородица“ во Гостивар

Денес (14.08.2022 година), во деветата недела по Педесетница, во Соборниот храм „Успение на Пресвета Богородица“ во Гостивар, беше отслужена света архиерејска литургија, на која чиноначалствуваше Митрополитот Тетовско-гостиварски г.Јосиф. Владиката пред верниците изрече своја беседа за почеток на Богородичниот пост и за денешното прочитано евангелие.

На крајот од литургијата верниот народ се причести со светите тајни.

Богородичниот пост трае од денес до 28 август, а е востановен пред големите празници Преображение Господово и Успение на Мајката Божја.

За време на постот, Црквата налага умерено конзумирање на посна храна и пијалоци. Правилата налагаат од понеделник до петок да биде строг пост, без масло, додека во саботите и неделите е дозволено масло и вино. Риба се дозволува само на празникот Преображение Господово (19 август).

Освен телесниот верниците треба да се придржуваат и до духовниот пост кој подразбира одрекување од грешни и зли мисли, желби и дела, духовна борба против страстите.

фото:тге