Владиката г.Јосиф изразува големо сочувство за загубените човечки животи во пожарот во Тетово

По повод трагичниот пожар во модуларниот ковид центар во болницата во Тетово, кој се случи во вечерните часови на 8 септември, Митрополитот Тетовско-гостиварски г.Јосиф изразува големо сочувство заради загубата на човечките животи, кои настрадаа во пожарот, а на нивните семејства, роднини и пријатели им изразува сочувство, ветувајќи им ги своите молитви. Владиката на повредените им посакува поскоро закрепнување.
По овој трагичен настан митрополитот г.Јосиф ги повика верниците да се молат за починатите, повредените и сите оние кои се погодени од овој трагичен настан.