Поврзи се со нас

Гостивар

Владиката г.Јосиф: Утре за прв пат по канонизацијата торжествено ќе го чествуваме св. Кирил Лешочки во Лешочкиот манастир

Објавено

на

По повод утрешниот празник на св. Кирил Лешочки, ден кој беше одреден и од Светиот Архиерејски Синод (САС) на МПЦ-ОА за негов годишен празник, Митрополитот тетовско-гостиварски г. Јосиф по отслужената литургија утрово ги повика верниците да дојдат во Лешочкиот манастир за првото литургиско празнување на Светиот Кирил Лешочки.

„Поминаа само неколку месеци од канонизацијата на светиот Кирил и ете по тие торжествени собитија, на кои се сеќаваме со голема радост, семилостивиот Господ опкружен со македонските светители благоволи да го дочекаме и неговиот светол празник, којшто утре за прв пат по канонизацијата торжествено ќе го прославиме во Лешочкиот манастир, упатувајќи ги нашите молитви кон него како кон наш светител и молитвеник пред престолот Божји. Но утрешното чествување на неговиот празник не е првиот март, во кој ние ќе се собереме во Лешок во спомен на ова наше светило. Повеќето од нас низ годините што изминале, свесни за духовната величина на светиот Кирил секој март со години доаѓале на неговиот гроб и учествувале на поменот со кој го одбележуваме неговиот спомен. Но ако до лани се собиравме и служевме помен, од утре па натаму, секоја наредна година, секој 25 март, ќе се собираме и богослужбено ќе ја пееме неговата служба и молитвено ќе се сеќаваме на неговиот светол лик“, рече во својата беседа  владиката.

Утре во Лешочкиот манастир во 8 часот и 30 минути ќе има пречек на Архиепископот Охридски и Македонски г.г Стефан и архиереите на МПЦ-ОА, по што ќе започне Светата литургија во 8 часот и 40 минути по повод првото литургиско чествување од канонизацијата на Свети Кирил Лешочки.

Сподели ја веста:
Advertisement
Advertisement
Advertisement
Advertisement

Огласи за вработување:

Advertisement

Популарно изминативе 100 дена