ВМРО-ДПМНЕ Гостивар со хуманитарна акција за настраданите од поплавите во Делчево

Унијата на жени на ВМРО-ДПМНЕ Гостивар заедно со Општинскиот комитет организираше хуманитарна акција со цел да се помогне на населението во Делчево, погодено од големи поплави пред неколку дена. Во просториите на партискиот штаб вчера и денес се собираа прехранбени продукти, хигиенски производи, како и донации во финансиски средства кои утре ќе бидат дистрибуирани во Делчево.

„Организиравме ваква хуманитарна акција со цел да им излеземе во пресрет на луѓето од Делчево коишто беа погодени од елементарната непогода, односно од поплавите кои се случија. ВМРО-ДПМНЕ е партија којашто секогаш била, е, и ќе биде со народот. Тоа го покажува со својот хуманост за било каква потреба, секогаш е во првите редови да пружи помош и поддршка, да покаже солидарност и емпатија. И се‘ она што е побарано од народот во границите на можноста излегуваме во пресрет.“, рече претседателката на УЖ, Анета Ќироска.

Од партијата порачаа дека сите треба да се обединат и да бидат единствени кога се работи за хуманитарните активности и кога е потребна помош на граѓаните.