ВМРО-ДПМНЕ прифаќа уставни промени по примерот на Хрватска

Хрватска е членка на Европската Унија и нејзиниот модел е сосема прифатлив за да се земе како урнек за промена на македонскиот Устав. Ваквиот предлог откако го обелодени претседателот на партијата Христијан Мицкоски, стигна и од штабот на ВМРО-ДПМНЕ. Според нив, со прифаќањето на овој модел, преамбулата ќе претрпи сериозни промени, но малцинствата ќе добијат исти права како и македонскиот народ.

„Република Македонија се воспоставува како национална држава на македонскиот народ и држава на малцинствата: Албанци, Турци, Роми, Срби, Власи, Бошњаци и други, кои се нејзини државјани, на кои им се гарантираат исти права, со тие на македонскиот народ и остварување на националните права, во склад со демократските норми на ООН. Веруваме дека СДС и ДУИ нема да имаат ништо против, да прифатат европски устав како решение за уставните измени“, велат од најголемата опозициска партија.