Внимавајте, демне опасност! Се топат мразулците

Покачувањето на дневната температура и сонцето кое претпладнево владееше во Гостивар придонесе за топење на мразулците, кои се создадоа изминатите денови на настрешници, олуци, балкони и други места. Поради тоа, постои опасност мразулците да паднат од високо и да ги повредат пешаците кои се движат по тротоарите. Прилично големи и остри мразулци има на објектите речиси во секој дел од градот и за да се избегнат некои потешки последици, пожелно е да се отстранат од куќи, станови на последниот кат, дуќани и слично.

Со оглед на тоа дека преставуваат притаена закана за пешаците, неопходно е гостиварци да  внимаваат кога поминуваат покрај повисоките објекти.