Во акција на гостиварската полиција во локал приведени 11 девојки

Ноќеска во 2 часот после полноќ во гостиварско Чегране, во угостителски објект сопственост на 49 годишниот А.Н. од ова село, при акциска контрола од страна на полициски службеници од Полициската станица Гостивар, биле приведени единаесет женски лица. Од нив кои седум биле од Албанија, една од Косово и три македонски државјанки. Девојките, ангажирани како пејачки, танчерки и келнерки биле приведени во Полициската станица Гостивар за понатамошна постапка. Ќе се утврдува дали има инволвираност во трговија со луѓе и нелегален престој.

Контрола синоќа била спроведена и во Желино–тетовско во угостителски објект сопственост на 42 годишниот Ј.Ф. од Желино. Таму, од страна на полициски службеници од СВР-Тетово, биле приведени три албански државјанки. При фотодокументирање на настанот од крим техничар од СВР-Тетово, 48 годишниот Ш.И. кој бил гостин во објектот го нарушил јавниот ред и мир, поради што бил приведен во полициска станица за понатамошна постапка.