fbpx
Поврзи се со нас

Гостивар

Во Апелациониот суд во Гостивар дуплиран бројот на предмети со дрога

Објавено

на

Гостиварска Апелација, во текот на минатата 2019-та година бележи значителен намален прилив на вкупниот број на предмети, но зголемување на предметите врзани со трговија со дрога и наркотици. Според податоците кои ги добивме од претседателот на судот, Шефајет Хајдари во 2018-та година такви предмети по жалба дошле 32, додека минатата година 67.

„Повеќето предмети беа против сторители за помали количества и најчесто за марихуана, но на пример имаше и предмет со трговија на околу 29 килограми на марихуана. Да, бележиме зголемување на овој вид на предмети, што би значело пораст  на тој вид на криминал, но мене ме радува фактот што имаме судски постапки, што значи дека државата покажува интерес да се бори со трговијата со дрога и веќе е успешна во тој дел. Се ангажира и тоа дава резултати, што го докажува и самата бројка на предмети.“, оцени Хајдари.

Од 67-те предмети со дрога лани, 59 биле решени, односно имаат правосилна одлука.

Минатата година, Апелациониот суд во Гостивар имал вкупно 3.967 предмети, од кои 514 биле префрлени од 2018-та. „Одлуки биле донесени за 3.629, а од нерешените 338, само пет се стари, коишто го поминале рокот за Апелација, предвиден во законот. Тоа значи дека приливот на предмети е совдалан и е намален бројот на заостанати. За предметите што го поминале рокот (30 дена за работните и прекршочните спорови и шест месеци за останатите) утврдивме дека не е по вина на судиите, туку предметите се вратени административно до првостепените судови за да се дополнат и комплетираат.“, рече првиот човек на Апелација.

Во 2019-та година значително бил намален бројот на прекршочни предмети и тоа за над 330 и работни спорови кои ги имало околу 400 помалку.

Остави коментар

Напишете коментар

Advertisement
Advertisement
Advertisement
Advertisement

Вработувања Полог:

Advertisement

Популарно изминативе 100 дена

error: Содржината е сопственост на Gostivarpess.mk!