Во автобусите и комбињата дозволен поголем број патници

Владата на вчерашната седница ја прифати согласноста на Комисијата за заразни болести на барањето на група општински и меѓуопштински превозници за зголемување на дозволениот број патници од 50% на 75% од вкупниот капацитет во превозните средства утврдени со закон за оваа намена.

Ограничувањето на бројот на патници од 50% од капацитетот за превозниците бече воведено во април минатата година, како мерка за заштита од ковид. За превозниците важи посебен протокол кој меѓу другото предвидува: Задолжително носење на заштитни маски на патниците и возачот, возачот да е одделен од делот за патници со физичка преграда, регулирано движење на патниците (влез-излез на посебна врата), поставено средство за дезинфекција на раце на влезните врати, забрането јадење, пиење, и грицкање во возилата.