Гостивар
Во Беловиште празнување на селската слава Свети Спас, традиција која опстојува и се негува
За жителите на гостиварско Беловиште денешниот ден е посебен и празничен поради селската слава во чест на Свети Спас, што традиционално се одбележува со црковно-народни обичаи. Утрово, храмот кој го носи името на овој светец, беше исполнет со верници-беловиштани, но и од другите села и од Гостивар. Доаѓаа да запалат свеќа, да се помолат за здравје и мир и да бидат дел од празнувањето.
Свештеник од гостиварското архиерејско намесништво изврши чин на благословување на кумските погачи принесени од годинешните кумови на славата. Според традициите кои со нас ги споделија жителите на Беловиште, на селската слава секоја година има пет кумови.
„Спасовден е селска слава на Беловиште многу одамна, и на овој ден сите се собираме, без разлика кој каде е, како што викаат Србите, „на окуп“. Традицијата е да имаме пет кумови, кои се јавуваат доброволно и се организираат да носат сите се‘ она што е потребно од храна и пијалоци. Се радуваме што младите се многу заинтересирани да учествуваат и да ги негуваат обичаите. Има една генерација сега што навистина е максимално посветена и тие ќе ја наследат традицијата како што ние сме ја наследиле.“, рече 81-годишниот Василие Србиновски, кој важи за носител и иницијатор на бројни активности врзани со опстојувањето и обновата на црквите во Беловиште и традиционалните прослави.
Вчеравечер како дел од селската слава беше организирана општонародна веселба, а вакво дружење имаше и денеска.
Вреди да се спомене дека црквата „Свети Спас“ во Беловиште е единствената која го носи името на овој светец на гостиварското подрачје, а е изградена 1990/91 година.
Инаку, во селото има уште три цркви: Света Петка, Свети Атанасија и главната црква Свети Никола.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар