Во Бигорски за Бадник и Божиќ литургиите во круг на обителот и сестринските манастири

Древното македонско православно светилиште за празниците Бадник и Божиќ литургиите ќе ги организира според препораките за заштита од ковид, со ограничен број на присутни. „Поради постојната пандемија на Ковид-19, а согласно мерките и препораките на Министерството за здравство, како и на Светиот Архиерејски Синод на МПЦ-ОА, Христовото Рождество во Свештената Бигорска Обител ќе се празнува со строго запазување на предвидениот протокол за заштита, односно со држење на соодветно растојание и ограничување на бројот на присутни. Со оглед на тоа што на бдението ќе присуствуваат братството на манастирот, останатите негови жители, како и сестрите од сестринските манастири, веќе е пополнет максималниот број на присутни, согласно препораките.“, соопштија од манастирот.

Литургиите верниците може да ги следат онлајн преку фејсбук страницата и јутуб каналот на Бигорски.

фото: Бигорски манастир