Во четврток граѓански собир на СДСМ во Гостивар – „Излези ЗА европска Македонија“

Социјалдемократскиот Сојуз на Македонија во четврток, на градскиот плоштад во Гостивар,  организира граѓански собир под мотото „Излези ЗА европска Македонија“. На собирот најавено е обраќање на претседателот на партијата и премиер на Република Македонија, Зоран Заев.

Од Општинскта организација на СДСМ во Гостивар ги повикаа граѓаните да присуствуваат на собирот и да ги слушнат ставовите и пораките врзани со престојниот Референдум на 30 септември. „Македонија помина низ многу крстопати и во клучните моменти, секогаш избираше иднина. Денес сме горди на Илинден, на АСНОМ и на Референдумот од 1991 година, како најважни историски моменти од борбата за нашата независност и државност. Избравме самостојност, мир и стабилност.
Сега треба да го направиме следниот чекор. Ова е историска можност и секој од нас треба да излезе и да донесе одлука. Ве повикуваме масовно да се приклучите на големиот граѓански собир во Гостивар. Да излеземе во што поголем број и да дадеме поддршка на европската иднина на нашата земја.“, порачаа од СДСМ.

Собирот во четврток (6 септември) е закажан со почеток во 19.30 часот.

(комерцијална објава)