Во четврток забранет сообраќај на патот Маврово-Ниќифорово-Леуново

По повод Денот на независноста на 8 септември 2022 година (четврток)  во Маврово ќе се одржи традиционалната велосипедска трка.

За непречено и безбедно одржување на трката ќе се воведе посебен сообраќаен режим од паркингот пред хотелот „Спорт“ во село Маврово до хотелот „Радика“ во село Леуново, во периодот од 9 до 16 часот и 30 минути. Во тој период ќе биде забрането одвивање на сообраќајот во двете насоки.

СВР Тетово очекува целосно разбирање од возачите, со што посредно ќе придонесат за успешна реализација на велосипедската трка, чие одржување ќе го следат и безбедносно ќе го координират негови полициски службеници.