Во дерби на колото КК Гостивар денеска му гостува на Кожув во Гевгелија

Продолжуваат возбудувањата во Првата Македонска кошаркарска лига. Денеска се играат натпреварите од 14-тото коло. Кошаркарите на гостиварскиот клуб гостуваат во Гевгелија кај екипата на Кожув. Во првиот меѓусебен дуел сезонава во Гостивар, гостиварци го добија натпреварот со Кожув 81:71.

Според бодовите на табелата се среќаваат првата и второпласирана екипа, избраниците на Александар Јончески имаат скор од 9 победи и 4 порази, сезонава имаат големи амбиции што е сигурна потврда за возбудлив и неизвесен меч денеска во салата „26 Април“ во Гевгелија.

“Бело-сините” се во победничка серија од четири победи по ред, во текот на неделата максимално се подготвуваа за овој дуел и комплетни патуваат на југот од земјава. Последното засилување на КК Гостивар, американецот Ентони Ли, нема да игра на овој натпревар.

Дуелот со Кожув се игра од 18 часот.