Во Добридол отпочна изградба на канализација

Министерот за животна средина Садула Дураки и градоначалникот на Врапчиште, Исен Шабани денес присуствуваа на официјалниот старт на изградбата на дел од канализациона мрежа за селото Добридол. Вкупната вредност на проектот изнесува околу 15 милиони денари, а се реалиизра со заеднички сили на Министерството и општината.

„Министерството преку Програмата за инвестирање во животната средина за 2018 година обезбеди 6 милиони денари. Воедно, Министерството активно работи за подобрување на водоводниот систем во оваа општина, при што во тек е јавната набавка за изградба на  доводен цевковод за село Неготино чија вкупна вредност изнесува околу 17 милиони денари, каде Министерството учествува со 5 милиони денари“, изјави Дураки.

Градоначалникот Шабани нагласи дека двата проекти се од големо значење за жителите на селата и дека преку нив се подобруваат условите за живот и заштита на животната средина.