Во домот на малолетник од Чегране пронајдени пиштол, марихуана, ладно оружје

Полициски службеници на Надворешната канцеларија за криминалистички работи Гостивар, вчеравечер од 19 часот и 30 минути до 21 часот, извршиле претрес во домот на  17-годишен жител на гостиварското село Чегране.

При претресот, реализиран со судска наредба, во неговата соба во куќата пронајдени се: пиштол „Зораки“ калибар 9 милиметри со 2 куршуми од истиот калибар, 1 најлонско ќесе со марихуана, дробилка со остатоци од ваква материја, безбол палка, 2 метални боксирачи, нож црна спреј и една рачно изработена цигара ( „џоинт“ ), информираат од полицијата.

Сето пронајдено е фотодокументирано и со потврда одземено за вештачење, додека малолетникот, во присуство на негов роднина,  приведен е во Полициската станица Гостивар и задржан за натамошна постпка.