Во Гостивар 11 наставници од основните училишта може да напредуваат во ментори

Министерството за образование го објави првиот јавен повик до наставниците во основните училишта за доставување на барања за напредување во звање наставник-ментор. Законот за наставници и стручни соработници во основните и средните училишта предвидува можност за кариерен напредок во звања (ментор и советник) по исполнувањето на одредени пропишани услови и за тоа наставникот, односно стручниот соработник во иднина добива соодветен дополнителен паричен надоместок како дел од личниот доход од работниот ангажман.

МОН ги повика сите наставници од јавните основни училишта да го разгледаат повикот и доколку ги исполнуваат условите за аплицирање, да ја поднесат својата пријава во предвидениот рок и да го остварат своето законско утврдено право за напредување во звање ментор.

Во повикот определен е бројот на наставници од секоја општина кои може да се стекнат со звањето ментор. Општина Гостивар за секое основно училиште на нејзиното подрачје, по еден наставник или вкупно 11 наставници. Општина Маврово и Ростуше за секое основно училиште на нејзиното подрачје, по еден наставник или вкупно 4 наставници. Општина Врапчиште за секое основно училиште на нејзиното подрачје, по еден наставник или вкупно 4 наставници.

Поднесувањето на барањата за напредување во звање наставник-ментор се поднесува најдоцна до 21 јануари 2021 година.

Повеќе детали на следниот ЛИНК