Гостивар
Во Гостивар болнички се лекуваат 41 пациент со ковид – 11 се на кислород, 3 во тешка состојба
Во Гостивар не престанува растот на новозаразени со коронавирус и пациенти кои имаат потреба од хоспитализација. Раководителот на инфективното одделение, доктор Ратко Наумоски кој го води тековното 24 часовно дежурство, ја оценува целокупната состојба со ширењето на ковидот како сериозна и тешка.
„На инфективното одделение денес се хоспитализирани 22 пациенти, од кои 11 добиваат кислород, тројца се во потешка состојба. Во модуларната болница се лекуваат 19 пациенти со средно-тешка клиничка слика кои немаат потреба од кислородна поддршка. Ние правиме се‘ што можеме за сите пациенти кои доаѓаат и бараат лекарска помош, а состојбата со ковид овој период е навистина тешка.“, информира д-р Наумоски.
Бројот на хоспитализирани е висок, но за сега има слободни кревети за нови приеми и на инфективно и во модуларната болница, вкупно околу 15. Секојдневно се вршат и исписи на пациенти кај кои здравствената состојба се подобрила и лекувањето може да го продолжат во домашни услови.
Кај сите ковид пациенти кои се обраќаат за медицинска помош задолжително се прават комплетни лабораторски анализи, како и рентген снимање на белите дробови. Лекарите велат дека бронхо-пневмонијата е најчестата компликација која се јавува кај ковид болните во Гостивар.
„Може да се каже дека над 95% од рентген снимките покажуваат бронхо-пневмонија, односно воспаление на белите дробови. Инаку, најчести симптоми со кои ни доаѓаат пациентите се покачена температура, малаксаност и болки по целоот тело. Кај некои се јавува и дијареа и нагони на повраќање“, вели докторот.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk