Во Гостивар денес + 4 нови корона позитивни, во Општина Врапчиште + 1

Продолжува порастот на заразени со коронавирус на подрачјето на Гостивар. Министерството за здравство денес потврди вкупно 5 нови случаи, од кои, според информациите од медицинските служби 4 се од Општина Гостивар, а еден од Општина Врапчиште. Вчерашните потврдени 5 случаи, се сите пациенти од Гостивар.

На денешната прес конференција, во анализата на состојбата со неделни статистики и министерот за здравство Венко Филипче, го спомена и зголемувањето на бројот на заболени во Гостивар.

„Од вкупниот број на заболени на регионот на Скопје отпаѓаат 46%, а на Тетово 13%. До сега, нема знаци дека постои друго потенцијално жариште освен Скопје и Тетово и нешто повеќе случаи во Гостивар. Апелирам граѓаните да соработуваат со здравствените работници, да даваат точни податоци за епидемиолошките анкети, тоа е битен сегмент за рана детекција на новите случаи.“, рече министерот.

Во денешниот извештај на МЗ евидентирани се и 5 оздравени пациенти од гостиварскиот регион. Што се однесува до

На државно ниво во последните 24 часа се направени 894 тестирања, а регистрирани се вкупно 78 нови случаи на ковид-19.

Досега во земјата се направени вкупно 68.059 тестирања. Вкупната бројка на ковид дијагностицирани во нашата земја од почетокот на епидемијата изнесува 7124, бројката на оздравени пациенти е 3199, на починати е 346, а во моментов бројот на активни случаи во земјата изнесува 3579.