fbpx
Поврзи се со нас

Вести Гостивар

Во Гостивар девет лица го загубиле животот во несреќи при работа

Објавено

на

Зголемен е бројот на човечки жртви во несреќи при работа и други несреќни случаи на подрачјето на Гостивар. Минатата година била кобна за девет лица, кои животот го загубиле во немили настани од таков вид.

Според статистиката на СВР Тетово, во 2016 година во Гостивар и гостиварско регистрирани се 18 несреќни случаи и 19 несреќи при работа. Споредено со претходната година, тоа се вкупно 12 повеќе. Притоа девет од нив завршиле со смртни последици, а 15 лица се здобиле со тешки телесни повреди. Најголемиот број од повредените биле од машки пол на над 30 годишна возраст.

Анализите на полицијата покажуваат дека несреќите при работа најмногу се должат на човечко невнимание, некористење заштитна опрема и непридржување кон важечките критериуми и стандарди од оваа област. Најчесто се случуваат при извршување на градежни работи (поправки, доградби и други интервенции на објекти). И извршувањето земјоделски и шумски работи може да биде опасно, доколку не се внимава и не се користи соодветна заштита. Така, неколку несреќни случаи се регистрирани при управување со трактори и друга земјоделска механизација како и  при сечење и транспорт на дрва.

Advertisement
Advertisement
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!