Во Гостивар до сега направени 225 корона тестови, има само три активни случаи

Од почетокот на пандемијата, па до денес, во Гостивар направени се вкупно 225 тестови за присуство на коронавирус. Збирните податоци од Институтот за јавно здравје покажуваат дека 17 тестови биле со позитивни резултати. Во официјалната статистика евидентирани се две починати лица и 12 оздравени. Моментално има три активни болни пациенти со коронавирус, 2 од Општина Гостивар и еден од Општина Врапчиште.

Како што информираше на денешниот состанок на Кризниот штаб директорот на гостиварската болница Јакуп Јакупи, тројцата заболени пациенти се во стабилна состојба. „Гледаме дека ситуацијата со коронавирусот полека се смирува, се надевам дека таквиот тренд ќе продолжи и понатаму. Ние како болница секако остануваме со максимална подготвеност и според воспоставените протоколи за заштита. Опремени сме со материјали и снабдени со целосна опрема“, рече Јакупи.