Гостивар
Во Гостивар доделена помош на 15 мали и средни бизниси за справување со коронакризата
Мали и средни фирми од Гостивар добија грантови, како помош во справување со негативните ефекти што ги донесе коронакризата. Се работи за 15 локални бизниси, на кои им беа доделени по 500 евра.
Активноста е дел од проектот „Борба против ширењето и ублажување на најсериозните негативни последици од пандемијата Ковид-19 кај маргинализираните заедници на западен Балкан”. Го координира организацијата Care од Косово, додека во Македонија го реализира невладината Месечина од Гостивар.
„Денешната активност е свечено потпишување на договори со 15 мали и средни бизниси, кои или започнуваат или сакаат да го развијат бизнисот, добиваат по 500 евра грантови. Парите се наменети за набавка на машини, алати или репроматеријали што треба да им помогне во ови етешки пандемиски услови да полесно ја надминат кризата. Ова е последна активност од проектот, а претходно беше доделена помош на социјално загрозени семејства, во хигинески пакети и пакети со храна. Исто така беа ангажирани 50 волонтери кои се парично наградени.“, рече Мухамед Точи, претседател на „Месечина“
Ударот што го нанесе пандемијата врз локалната економија се одразува и врз буџетите на локалните самоуправи. Фирмите немаат средства да ги плаќаат даноците и другите давачки и општинските каси се тенчат.
„Периодот е тежок, приходите се минимални, имаше и периоди со блокирање на сметки, неможост за плаќање, меѓутоа тоа е соочувањето со оваа криза. Се надеваме да поминат одредени закони со кои ќе има финансиска помош за општините. Би сакал да кажам дека за општина Гостивар немаше никаква помош од владините институции, ниту една маска ни ракавици, за разлика од другите општини. Од 30 милиони евра што ги пренаменија од аеродромот во Штип, за општина Гостивар нема ниту еден денар“. изјави Арбен Таравари, градоначалник на Гостивар
Проектот за помош на маргинализираните групи е финансиран од Германското сојузно министерство за надворешни работи со вкупно 40 илјади евра.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар