Во Гостивар хоспитализирани 46 ковид пациенти, 30 добиваат кислород

Се намалува бројот на хоспитализирани пациенти со ковид во Гостивар. На инфективното, интерното, нервното одделение и во модуларната болница, се лекуваат 46 пациенти, што е преполовена бројка за разлика од пред десетина дена.

„Триесетина од пациентите со ковид добиваат кислородна поддршка, имаме 68 слободни места од капацитетите што ги подготвивме за третман на заболени од ковид. Ситуацијата, лека полека се стабилизира. Се надевам дека до крајот на месецот, ќе се смири до степен да може болницата да ја нормализира работата“, рече директорот на општата болница „Д-р Ферид Мурад“ во Гостивар, Јакуп Јакупи.

Август за регионот на Гостивар ќе се памети како црн месец, во кој според ковид извештаите од надлежните починале 69 лица.