Во Гостивар издадени нови 37 решенија за изолација

Во текот на изминатото деноноќие,  според статистиката на Секторот за внатрешни работи Тетово, Државниот санитарен и здравствен инспекторат на подрајчето на Гостивар изготвил нови решенија за изолација на 37 лица. Контроли биле извршени на 260 граѓани со такви решенија и притоа не биле констатирани непочитувања. За разлика од Гостивар, во Тетово при контрола на изолирани со решенија (вкупно опфатени 785) било констатирано дека едно лице не го почитувало решението поради што изготвена му е кривична пријава.

Истиот период за неносење заштитни маски на вкупно 105 лицa (Тетово-77 и Гостивар-28) изготвени им се прекршочни платни налози, согласно член 6  од соодветната владина Уредба.