Во Гостивар казнети пијани возачи и моторциклисти без кацига

Вчеравечер 26/27 септември, од 22 до 4 часот, на подрачјето на СВР Тетово спроведена е акциска контрола на возачи, кои управуваат возило под дејство на алкохол. При контролата откриени и законски санкционирани биле 17 возачи, (од кои 13 во Тетово и 4 во Гостивар) кои управувале возила под дејство на алкохол. Сите прекршители веднаш се исклучени од сообраќај и изготвени им се соодветни поднесоци, извести полицијата. При контролата, исто така, санкционирани биле и 19 други видови прекршоци.

Викендов на ова подрачје спроведена е и акција за контрола на мотоциклисти, при што биле констатирани вкупно 37 прекршоци (Тетово-17 и Гостивар-20). Сите прекршоци во Гостивар се однесувале на некористење на заштитна кацига. Откриени и адекватно санкционирани биле и 27 други видови прекршоци.