Во Гостивар ќе се одржи Штафета на еднаквоста

Гостивар ќе даде поддршка на лицата со попречености и ќе го подигне гласот за поголема свест за проблемите и препреките со кои се соочуваат овие граѓани. Во недела (23 септември), за прв пат во Гостивар ќе се одржи “Штафета на Еднаквоста“. Целта е да се испрати порака дека лицата со попреченост се дел од општеството и треба да бидат прифатени како еднакви со сите.

Штафетата на еднаквоста ќе започне на ул„Илинденска“ во 13 часот. Активноста ја организираат Здружението Вера од Струмица, Здружението Заедно Можеме од и Ресурсниот центар на родители на децата со посебни потреби во соработка со  општина Гостивар.

Организаторите ги повикаа граѓаните во што поголем број да ја дадат својата поддршка и да присуствуваат на настанот. На штафетата, покрај децата и лицата со попреченост најавено е учество и на ученици, активисти, волонтери, поддржувачи, како и уметници од музичката естрада.