Во Гостивар лани 58 лица биле осудени за кривични дела

Во текот на минатата година, на подрајчето што го покрива Основниот суд во Гостивар се бележи намалување на бројот на осудени лица за кривични дела. Според податоците од Државниот завод за статистика, минатата година Основиот суд во Гостивар осудил 58 полнолетни сторители за различни кривични дела.

Во 2017-та, бројот на осудени изнесувал 215, во 2016-та година – 128, додека во 2015-та имало 154 осуденици за кривични дела.

Минатата година 9 лица добиле затворски казни, додека дваесетина биле парично казнети. Биле изречени и условни затворски и условни парични казни.

Според извештајот на ДЗС, Основното јавно обвинителство во Гостивар лани поднело пријави против 440 познати сторители на кривични дела, од кои најголемиот број биле за дела против имотот, потоа против животот и телото, против безбедноста во сообраќајот и друго.

На државно ниво, во 2018-та, бројот на осудени деца – сторители на кривични дела е намален за околу 10 %, споредено со 2017-та.