Во Гостивар лани поднесени кривични против педесетина дилери на дрога

Минатата година, на поширокото гостиварско подрачје биле регистрирани 45 кривични дела „неовластено производство и пуштање во промет на наркотични дроги, психотропни супстанци и прекурсори“, информира СВР Тетово. Од нив 44 биле целосно се расчистени, со познати сторители  и заокружени со соодветни пријави.

„Со овие пријави вкупно опфатени се 53 сторители. Триесет и четири од нив биле повторници. Во овој период, во кривична постапка пронајдени и одземени се : марихуана, хероин, мешавина од хероин и тутун, кокаин, стебла од „канабис сатива“, семки од истото растение, екстази и друго.“, стои во полициското соопштение.

Во 2018-та, на гостиварското подрачје исто така, биле изготвени и 10 барања за поведување прекршочна постапка, кои се однесуваат на уживање на наркотични средства, а со кои биле опфатени 11 лица-уживатели на возраст од 15 до 40 години.