Во Гостивар моментално 786 лица се во изолација со решение

Според податоците од Секторот за внатрешни работи, моментално во Гостивар вкупно 786 граѓани се со активни решенија за изолација поради позитивен ковид тест или контакт со заболен. Полицијата секојдневно врши контроли дали има прекршувања и упатува апел доследно да се почитуваат решенијата. Во контролите во последното деноноќие, со кои биле опфатени 621 лице, не биле констатирани непочитувања.

„Граѓаните позитивни на вирусот и оние кои имале близок контакт со заразен поради што добиле решение од Државниот здравствен и санитарен инспекторат, се должни да ја почитуваат изолацијата. Изминатиот период имавме случаи кога при контролите, лица со решенија не беа затекнати дома. На тој начин носат ризик да го шират вирусот. Апелираме на повисока свест за сите мерки за заштита од ковид“, нагласуваат од СВР.

Нови решенија за изолација во последните 24 часа во гостиварско им биле издадени на 28 лица.